शोधतो आहे...
ती अर्धवट लिहिलेली प्रेम पत्र..
तुझ्यावर लिहिलेल्या त्या साऱ्या कविता...
तुझ्यासाठी सजवलेली सारी स्वप्ने...
आणि तू भेटली होतीस ती वाट...
शोधतो आहे...
सोबत घालवलेली संध्याकाळ...
समुद्रात वाळूवर कोरलेले तुझे-माझे नाव...
एकत्र प्यायलेले नारळाचे पाणी...
आणि ती शपथ घटलेली हजार वाचने...
शोधतो आहे अजूनही...
आठवणींनी जागलेल्या त्या रात्री...
वहीत जपून ठेवलेले सारी गुलाबाची फुलं...
तू दिलेल्या साऱ्या अत्तराच्या बाटल्या...
आणि तुझ्या-माझ्या बंधनाचा तो एक नाजूक धागा...
शोधतो आहे...
एक अशी खोली...
जिथे तुझी साधी आठवणही येणार नाही...
एक अशी शांतता...
जिथे तुझ्या पैंजनांचा आवाज येणार नाही...
एक असा वारा...
जिथे तुझ्या शरीराचा गंध येणार नाही...
हा... मी शोधतो आहे...
एक असं जग...
तिथे तुझ्या कुठल्याच पाऊलखुणा नसतील...
पण...
आहे का जगात अशी कुठली
जागा जिथे तुझ्या- माझ्या आठवणी नसतील...
आहे का असा कुठला वारा...
जो आपल्या दोघांना स्पर्श
करून गेला नसेल...
आहे का अशी कुठली निरव शांतता...
जी आपण भंग केली नसेल....????
*-नि।स।*
*०४.०९.२०१७*

Comments

Post a Comment

Popular posts from this blog

हा पाऊस असा कसा अवेळीच पडतो तिच्या आठवणींचा एक ढग उगीच मनात येऊन दाटतो - नि.स.दळवी
Read more
'त्याचा संवाद' मानले की, नाही समजू शकलो मी तूला, तुझ्या प्रेमाला, पण तू होतीस सोबत, माझ्यासोबत प्रत्येक क्षणाक्षणाला... मी थोडासा बावळट आहे, कदाचित तसाच राहीन, जेव्हा-जेव्हा अडचणीत येईन, तेव्हा फक्त तूलाचा पाहीन.. हो,माझी तुझ्या हाताशी, पकड थोडी हलकीच आहे, पण तूझ्यासोबतची उपरणाची गाठ, अजूनही पक्कीच आहे... व्यवहार करताना मी नेहमीच चूकतो, ४० च्या ऐवजी ४०० रुपये देतो, आणि तूझ्यासमोर मान खाली घालून उभा राहतो, पण तू मात्र माझी मान अभिमानाने वर करतेस, इतरांसारखा नाही आपला नवरा, म्हणून डोळ्यात पाणी आणतेस... आपल्या मुलांना शाळेत पोहोचवणे, इतकेही मला जमत नाही, तू मात्र सगळ आटपून, मुलांना सोडतेस, आवराआवर करतेस, पण विस्कटलेला चेहरा कधीच, आरशात पाहत नाहीस... मी तूझा पती, म्हणून तू मला नेहमीच पूजतेस, खरच गं, तू माझ्यासाठी तू किती करतेस... नाही सखे, -मला काहीच कळत नाही, अशातला काही भाग नाही, फक्त समजण्याइतपत, माझा मेंदू आता काम करत नाही, एवढचं... - वेळेप्रसंगी मी हतबल होतो, गप्प बसतो, असेही नाही, फक्त बोलून प्रतिकार करण्याइतपत, तोंडातून आता वाचा फूटत नाही, एवढचं... - पकड म...
Read more
तुझ्यासाठी जगायचो आता स्वतःसाठी जगायचं ठरवलंय तुझ्या नावाचं पान जेव्हा माझ्या डायरीतून हरवलंय -नि।स।
Read more